Bupati Buleleng nguningayang indik mabuatnyane lahan sane ten ngasilang utawi  Non Produktif ring Desa

Buleleng (Atnews) - Bupati Buleleng Putu Agus Suradnyana matingetin indik mabuatnyane ngetangan  lahan sane nenten ngasilan utawi non pro¬duktif  ring kuwuban Desa Desa.

Indeke punika kabawosang Bupati Buleleng Putu Agus Suradnyana daweg micayang pemaparan    ritatkala Pres¬entasi lan Wawancara Kompetisi Inovasi Pelayanan Publik (KIPP) warsa kalih tali kalih likur majalaran virtual, sukra wawu lintang.

Manut dane nangiyang lahan tidur utawi  ngolah palemahan mangda ngasilan sekadi sane sampun kadabdabang Desa Baktiseraga, Kecamatan Buleleng sane kamargiyang antuk pidabdab Urban Farming. punika mawinan Desa Seraga kasengguh ngeranjing ring final KIPP warsa kalih tali kalih likur, sane kamargiyang Kementerian Pendayagunaan Aparatur Negara lan Reformasi Birokrasi Republik Indonesia (KemenpanRB RI). 

Kabawosang rencana inucap sane kariinin antuk ngaryan Tempat Pengolahan Sampah Reduce Reuse Recycle (TPS3R) sane prasida ngasilan rabuk organik buat ngupapira lahan tidur  dados mawiguna sane taler maiyus becik majeng kesehatan ring kuwubannyane pinaka pakardi sane rahayu.

Perbekel Desa Baktiseraga Gusti Putu Armada taler ngawilangin proses kompetisi sampun kasarengan saking pangawit seleksi kantos nuju ring Top patlima (45), pinaka proses pinih untat buat ngamolihang kasengguh pinih becik utawi best of the best.

Malarapan tata cara ngolah laluu mabasis sumber sekadi saking ngawit ring pakubon sane magenah ring lahan sane ten ngasilan utawi  tidur kadadosang model urban farming sakadi sane sampun mabukti ring  Desa Baktiseraga Buleleng. (WAN/PAS)